Desi Gazal For FaceBook Whatsapp Status Share Site 2024

Gazels In Hindi| Best Gazels Lines and Shayari Reading And Share On whatsapp

Gazels Shayari
Hindi Gazels

Ai Mohabbat Tere Anjaam Pe Rona Aaya;
Jaane Kyon Aaj Tere Naam Pe Rona Aaya;

Yun To Har Shaam Umeedon Mein Guzar Jati Hai;
Aaj Kuch Baat Hai Jo Shaam Pe Rona Aaya;

Kabhi Taqdeer Ka Maatam Kabhi Duniya Ka Gila;
Manzil-E-Ishq Mein Har Gham Pe Rona Aaya;

Mujh Pe Hi Khatam Hua Silsila-e-Nauhagri;
Is Kadar Gardish-e-Ayyam Pe Rona Aaya;

Jab Hua Zikar Zamaane Mein Mohabbat Ka 'Shakeel';
Mujh Ko Apne Dil-e-Naqaam Pe Rona Aaya!

Share On Whatsapp

Jis Tarah Bhi Ho Saka Us Tarah Toda Mujhe;
Zindagi Ne Maut Ke Qabil Nahi Samjha Mujhe;

Zindagi Maankar Chalati Rahi Ghoda Mujhe;
Har Kadam Par Maarti Hai Ek Naya Koda Mujhe;

Zindagi Har Waqt Meri Peeth Par Baithi Rahi;
Apni Marzi Ke Mutabiq Har Taraf Moda Mujhe;

Is Tarah Apno Ke Ehsaan Hai Mujh Par Bahut;
Chot De Kar Dil Ko Sheeshe Ki Tarah Joda Mujhe;

He Zindagi Meri Tujhse Iltiza Itni Hai Bus;
Chodhkar Nafrat Ki Bhasha Pyar De Thoda Mujhe;

Warna Ek Din Jalti Hui Aag Se Bolegi Meri Laash Yoon;
Zindagi Ne Aag Ke Dariya Me Laa Chhoda Mujhe!
Kuchh Faisala To Ho Ki Kidhar Jana Chahiye;
Paani Ko Ab To Sar Se Guzar Jana Chahiye;

Har Baar Aidiyon Pe Gira Hai Mera Lahoo;
Maqtal Mein Ab Ba-Tarz-e-Digar Jana Chahiye;

Kya Chal Sakenge Jin Ka Faqat Masla Ye Hai;
Jaane Se Pehle Rakht-e-Safar Jana Chahiye;

Sara Jvaar-Bhata Mere Dil Mein Hai Magar;
Ilzaam Ye Bhi Chaand Ke Sar Jana Chahiye;

Jab Bhi Gaye Azaab-e-Dar-o-Baam Tha Wahi;
Aakhir Ko Kitni Der Se Ghar Jana Chahiye;

Tohmat Laga Ke Maa Pe Jo Dushman Se Daad Le;
Aise Sukhanafarosh Ko Mar Jan Chahiye!

Share On Whatsapp

Aate Jaate Mujhe Ilzaam

Aate Jaate Mujhe Ilzaam To Dete Jao;
Aate Jaate Mujhe Ilzaam To Dete Jao;

Damm Nikal Jaye Jo Uth Ker Shab-E-Tunhaai Main;
Mujh Ko Wapis Dil-E-Nakaam To Dete Jao;

Main Kisi Aur Ka Ehsaan Naheen Lay Sakti;
Meri Qismat Mera Anjaam To Dete Jao;

Phool Mehkaon -k- Daaman Main Sajaon Kante;
Mere Hisse Ka Mujhe Kaam To Dete Jao!

Share On Whatsapp

Koi Soorat

Koi Soorat Nikalti Kyon Nahi Hai;
Yahan Halat Badalti Kyon Nahi Hai;

Ye Bujhta Kyon Nahi Hai Unka Sooraj;
Hamari Shama Jalti Kyon Nahi Hai;

Agar Hum Jhel Hi Baithe Hain Isko;
To Phir Ye Raat Dhalti Kyon Nahi Hai;

Mohabbat Sar Ko Chadh Jati Hai, Aksar;
Mere Dil Mein Machalti Kyon Nahi Hai!

Share On Whatsapp

Lab Pe Pabandi To Hai Ehsas Par Pehra To Hai;
Phir Bhi Ahl-e-Dil Ko Ahval-e-Bashar Kehna To Hai;

Khoon-e-Adaa Se Na Ho Khoon-e-Shahidaan Se Hi Ho;
Kuch Na Kuch Is Daur Mein Rang-e-Chaman Nikhra To Hai;

Apni Ghairat Bech Daalen Apna Maslak Chhod Den;
Rehnumaon Mein Bhi Kuch Logon Ka Ye Mansha To Hai;

Bhuj Rahe Hain Ek Ek Kar Ke Aqidon Ke Diye;
Is Andhere Ka Bhi Lekin Saamna Karna To Hai;

Juth Kyon Bole Farogh-E-Maslahat Ke Naam Par;
Zindagi Pyari Sahi Lekin Humein Marna To Hai!

Share On Whatsapp

Saanson Kee Hararat Se Pighal Jaane Ka Mausam;
Aaya Hai Teri Aanch Mein Jal Jaane Ka Mausam;

Hum Ko Nahi Maaloom Tha Ishq Ka Aaghaaz;
Yaadon Mein Kahin Door Nikal Jaane Ka Mausam;

Lagta Hai Ki Chehre Pe Tere Thehar Geya Hai;
Yak Lakht Kayi Rang Badal Jaane Ka Mausam;

Ai Shehar Tasalli Tere Mashkoor Hain Hum;
Aaya Hi Nahi Dil Ke Sambhal Jaane Ka Mausam;

Ye Shehar-e-Tamanna Bhi Anokha Hai Ki Is Par;
Barsaat Mein Bhi Rehta Hai Thal Jaane Ka Mausam;
Chehre Pe Agarche Hain Mere Subah Ka Ujaala;
Aankhon Mein Magar Shaam Ke Dhal Jaane Ka Mausam!

Share On Whatsapp

Ab Woh Galiyan Wo Makaan Yaad Nahi;
Kaun Rehta Tha Kahan Yaad Nahi;

Jalwa-e-Husn-e-Azal The Woh Dayaar;
Jin Ke Ab Naam-o-Nishaan Yaad Nahi;

Koi Ujala Sa Bhalaa Sa Ghar Tha;
Kis Ko Dekha Tha Wahan Yaad Nahi;

Yaad Hai Zeena-e-Pechaan Us Ka;
Dar-o-Deewar-e-Makaan Yaad Nahi;

Yaad Hai Zamzama-e-Saaz-e-Bahaar;
Shor-e-Awaaz-e-Khizaan Yaad Nahi!

Share On Whatsapp

Deedaar Ki Hawas Hai Na Shauq-E-Visaal Hai,
Azaad Har Khayal Se Mast-E-Khayal Hai;

Keh Do Yeh Kohkan Se Hi Marna Nahi Kamaal,
Mar Mar Ke Hijr-E-Yaar Main Jeena Kamaal Hai;

Fatva Diya Hai Mufti Abr-E-Bahaar Ne,
Tauba Ka Khooon Baada-Kashon Ko Halaal Hai;

Aankhen Bata Rahi Hain Jaage Ho Raat Ko,
In Saaghron Mein Buu-E-Sharab-E-Visaal Hai;

Barsaao Teer Mujh Pe Par Itna Jaan Lo,
Pehlu Mein Dil Hai Dil Mein Tumhara Khayal Hai;

Aankhen Lada Ke Un Se Hum Aafaat Mein Pad Gaye,
Aankhon Ki Har Zubaan Pe Dil Ka Sawaal Hai;

Bhutt Keh Diya Jo Maine To Ab Bolte Nahin,
Itni Si Baat Ka Tumhe Itna Khayal Hai;

Pucha Jo Unse Jaante Ho Tum Jaleel Ko,
Bole Ke Haan Woh Shayer-E-Naazuk-Khayal Hai!

Share On Whatsapp

Jahan Katre Ko Tarsaya Geya Hun;
Wahin Dooba Hua Paya Geya Hun;

Ba-Haal-e-Gham-Rahi Paya Geya Hun;
Haram Se Deir Mein Laya Geya Hun;

Balaa Kaafi Na Thi Ek Zindagi Kee;
Dobara Yaad Pharmaya Geya Hun;

Ba-Rang-e-Lala-e-Veerana Bekaar;
Khilaya Aur Murjhaya Geya Hun;

Agarche Abr-e-Gauhar-Baar Hun Main;
Magar Aankhon Se Barsaya Geya Hun;

'Hafeez' Ahal-e-Zubaan Kab Maante The;
Bade Zoron Se Manvaya Geya Hun!

Share On Whatsapp

Ik Umar Dil Kee Ghaat Se Tujh Par Nigaah Kee;
Tujh Par Teri Nigaah Se Chhup Kar Nigaah Kee;

Roohon Mein Jalti Aag Khayalon Mein Khilte Phool;
Saari Sadakatein Kisi Kaafir Nigaah Kee;

Jab Bhi Gham-e-Zamana Se Aankhein Hui Do-Chaar;
Munh Pher Kar Tabassum-e-Dil Par Nigaah Kee;

Baagen Khinchi Masafatein Kadki Faras Ruke;
Maazi Kee Rath Se Kis Ne Palat Kar Nigaah Kee;

Dono Ka Rabt Hai Meri Mauj-e-Khiram Se;
Lagzish Khayal Kee Ho Ke Thokar Nigaah Kee!

Share On Whatsapp

Dil Geya Tumne Liya Hum Kya Karen;
Jaane Wali Cheez Ka Gham Kya Karen;

Hum Ne Mar Kar Hijr Mein Payi Shifa;
Aise Achhon Ka Maatam Kya Karen;

Apne Hi Gham Se Nahi Milti Najaat;
Is Binaa Par Fikr-E-Aalam Kya Karen;

Ek Saaghar Par Hai Apni Zindagi;
Rafta Rafta Is Se Bhi Kam Kya Karen;

Kar Chuke Sab Apni Apni Hikamtein;
Dum Nikalta Ho To Humdum Kya Karen;

Kehte Hain Ahl-E-Sifarish Mujh Se 'Daag';
Teri Kismat Hai Buri Hum Kya Karen!

Share On Whatsapp

Kab Ta Dil Kee Khair Manayein Kab Tak Raah Dikhlaoge;
Kab Tak Chain Kee Mohlat Doge Kab Tak Yaad Naa Aaoge;

Beeta Deed Umeed Ka Mausam Khak Udti Hai Aankhon Mein;
Kab Bhejoge Dard Ka Baadal Kab Barkha Barsaoge;

Ahd-E-Wafa Ya Tark-E-Mohabbat Jo Chaho So Aap Karo;
Apne Bas Kee Baat Hi Kya Hai Hum Se Kya Manwaoge;

Kis Ne Vasl Ka Suraj Dekha Kis Par Hijr Kee Raat Dhali;
Gesuon Wale Kaun The Kya The Un Ko Kya Jatlaoge;

'Faiz' Dilon Ke Baag Mein Hai Ghar Bharnaa Bhi Lut Jana Thi;
Tum Is Husn Ke Lutf-o-Karam Par Kitne Din Itraoge!

Share On Whatsapp

Socha Nahi Achha Bura

Socha Nahi Achha Bura Dekha Suna Kuch Bhi Nahi;
Manga Khuda Se Raat Din Tere Siwa Kuch Bhi Nahi;

Dekha Tujhe Socha Tujhe Chaha Tujhe Puja Tujhe;
Meri Khata Meri Wafa Teri Khata Kuch Bhi Nahi;

Jis Par Hamari Aankh Ne Moti Bichaye Raat Bhar;
Bheja Wahi Kagaz Use Hum Ne Likha Kuch Bhi Nahi;

Ek Sham Kee Dehleez Par Baithe Rahe Wo Der Tak;
Aankhon Se Kee Baatein Bahut Munh Se Kaha Kuch Bhi Nahi;

Do Chaar Din Kee Baat Hai Dil Khak Mein So Jayega;
Jab Aag Par Kagaz Rakha Baki Bacha Kuch Bhi Nahi;

Ehsaas Kee Khushbu Kahan, Aawaz Ke Jugnu Kahan;
Khamosh Yaadon Ke Siwa, Ghar Mein Raha Kuch Bhi Nahi!

Share On Whatsapp

Is Ada Se Wo Wafaa Karte Hain;
Koi Jaane Ki Wafa Karte Hain;

Humko Chodoge To Pachtaoge;
Hansne Walon Se Hansa Karte Hain;

Ye Batata Nahi Koi Mujhko;
Dil Jo Aa Jaye To Kya Karte Hain;

Husn Ka Haq Nahi Rehta Baki;
Har Ada Mein Wo Ada Karte Hain;

Kis Kadar Hain Teri Aankhein Bebaak;
In Se Fitne Bhi Hya Karte Hain;

Is Liye Dil Ko Laga Rakha Hai;
Is Mein Dil Ko Laga Rakha Hai;

'Daag' Tu Dekh To Kya Hota Hai;
Jabr Par Jabr Kiya Karte Hain!

Share On Whatsapp

Itni Muddat Baad

Itni Muddat Baad Mile Ho;
Kin Socho Mein Gum Rahate Ho;

Tez Hawaa Ne Mujh Se Puchaa;
Ret Pe Kya Likhte Rehte Ho;

Kaun Si Baat Hai Tum Mein Aisi;
Itne Achchhe Kyon Lagte Ho;

Hum Se Na Poocho Hijr Ke Qisse;
Apni Kaho Ab Tum Kaise Ho!

Share On Whatsapp

Baat Phoolon Ki Suna Karte The;
Hum Kabhi Sher Kaha Karte The;

Mashalein Lekar Tumhare Gham Kee;
Hum Andheron Mein Chala Karte The;

Ab Kahan Aisi Tabiyat Wale;
Chot Kha Kar Jo Jiya Karte The;

Tark-e-Ehsas-e-Mohabbat Mushkil;
Haan Magar Ahl-e-Wafa Karte The;

Bikhri Bikhri Hui Zulfon Wale;
Kaafile Rok Liya Karte The;

Aaj Gulshan Mein Shagufe "Saghar";
Shikwa Ai Baad-e-Sabaa Karte The!

Share On Whatsapp

Ye Hum Bhi Gawara Karte Hain;
Ye Tum Bhi Gawara Kar Lena;

Ro-Ro Ke Guzari Hai Humne;
Tum Hans Ke Guzara Kar Lena;

Betabi Had Se Badh Jaye;
Aur Nind Na Aaye Raaton Ko;

To Doob Ke Meri Yaadon Main;
Duniya Se Kinara Kar Lena;

Jis Waqt Janaza Guzrega;
Us Shaks Ka Tere Kooche Se;

Jazbat Pe Kabu Kar Lena;
Khidki Se Nazara Kar Lena!

Share On Whatsapp

Mil Bhi Jaate Hain Toh

Mil Bhi Jate Hain Toh Katara Ke Nikal Jaate Hain;
Haye Mausam Kee Tarah Dost Badal Jaate Hain;

Hum Abhi Tak Hain Giraftar-e-Mohabbat Yaaro;
Thokarein Kha Ke Suna Tha Ki Sambhal Jaate Hain;

Ye Kabhi Apni Jafa Par Na Hua Sharminda;
Hum Samajhate Rahe Patthar Bhi Pighal Jaate Hain;

Umar Bhar Jin Kee Wafaon Pe Bharosa Kije;
Waqt Padane Pe Wohi Log Badal Jaate Hain!

Share On Whatsapp

Koi Naata Na Mohabbat Ke Barabar Nikla,
Toot Kar Chaha Jise Woh Sitamgar Nikla;

Yun To Har Lehar Se Thi Apni Shanasayi Bahut,
Samjha Sahil Jise Woh Gham Ka Samandar Nikla;

Rooh Mein Jhaanka To Yeh Mehsoos Hua Mujh Ko,
Itna Zarkhaiz Jo Lagta Tha Woh Banjar Nikla;

Narmi Hathon Mein Na Garmi Saanson Mein Magar,
Maine Chuu Kar Use Dekha To Woh Patthar Nikla!

Share On Whatsapp

Rahon Pe Nazar Rakhna Honthon Pe Dua Rakhna;
Aa Jaye Koi Shayad Darwaza Khula Rakhna;

Ehsaas Kee Shamaa Ko Is Tarah Jalaa Rakhna;
Apni Bhi Khabar Rakhna Us Ka Bhi Pata Rakhna;

Raaton Ko Bhatakne Kee Deta Hai Saza Mujhe;
Dushwaar Hai Pehlu Mein, Dil Tere Bina Rakhna;

Logon Ko Nigaahon Se Padh Lene Kee Aadat Hai;
Logon Kee Tehreeron Ko Logon Se Bacha Rakhna;

Bhuloon Main Agar Aye Dil, Tu Yaad Dila Dena;
Tanhai Ke Lamhon Ka Har Zakham Hara Rakhna;

Ik Boond Bhi Ashkon Kee Daaman Na Bhigo Paaye;
Gham Us Kee Amaanat Hai, Palkon Pe Sajaa Rakhna;

Iss Tarah 'Qateel' Us Se Bartaao Rahe Apna;
Woh Bhi Na Bura Maane, Dil Ka Bhi Kaha Rakhna!

Share On Whatsapp

Baat Karni Mushkil

Baat Karni Mushkil Kabhi Aisi To Na Thi;
Jaisi Ab Hai Teri Mehfil Kabhi Aisi To Na Thi;

Le Geya Cheen Ke Kaun Aaj Tera Sabr-o-Qarar;
Be Qarari Tujhe Ai Dil Kabhi Aisi To Na Thi;

Teri Aankhon Ne Khuda Jane Kya Kya Jadu;
Ki Tabiyat Meri Mayal Kabhi Aisi To Na Thi;

Kya Sbab Tu Jo Bigadta Hai 'Zafar' Se Har Baar;
Kho Teri Hoor Shmail Kabhi Aisi To Na Thi!

Share On Whatsapp

Tumhari Yaad Ke Jab Zakhm Bharne Lagte Hain;
Kisi Bahane Tumhein Yaad Karne Lagte Hain;

Hadis-e-Yaar Ke Unavan Nikharane Lagte Hain;
To Har Harim Mein Gesu Sanwarne Lagte Hain;

Har Ajnabi Humein Mehram Dikhai Deta Hai;
Jo Ab Bhi Teri Gali Se Guzarne Lagte Hain;

Saba Se Karte Hain Gurbat-Nasib Zikr-e-Vatan;
To Chashm-e-Subah Mein Aansu Ubharne Lagte Hain;

Wo Jab Bhi Karte Hain Is Nutq-o-Lab Kee Bakhiyagari;
Faza Mein Aur Bhi Nagme Bikharne Lagte Hain;

Dar-e-Qafas Pe Andhere Kee Mohar Lagti Hai;
To 'Faiz' Dil Mein Sitare Utarane Lagte Hain!

Share On Whatsapp

Tere Naam Se Mohabbat

Tere Naam Se Mohabbat Kee Hai;
Tere Ehsaas Se Mohabbat Kee Hai;

Tum Pass Nahi Ho Mere Phir Bhi;
Tumhari Yaad Se Mohabbat Kee Hai;

Kabhi Tumne Bhi Mujhe Yaad Kiya Hoga;
Maine Un Lamhaat Se Mohabbat Kee Hai;

Tum Se Milna To Ek Khwaab Sa Lagta Hai;
Maine Tumhare Intezar Se Bhi Mohabbat Kee Hai!

Share On Whatsapp

Ye Zamane Kee Wafaye

Ye Zamane Kee Wafaye Mere Kaam Kee Nahi;
Mujhe Uski Wafa Chahiye Kisi Aam Kee Nahi;

Uski To Ek Muskurahat Bhi Anmol Thi;
Ye Tamam Muskurahate Kisi Daam Ki Nahi;

Mujhe Gham Hai To Uske Chale Jaane Ka;
Parwah Mujh Par Lage Kisi Ilzaam Kee Nahi;

Mera Haath Dekh Kar Rabb Ye Bola;
Bahut Si Chahate Tere Liye Hai Baki;
Lekin, Tere Haath Mein Koi Bhi Lakir Uske Naam Kee Nahi!

Share On Whatsapp

Rooh Ko Tadpa Rahi Hai Un Kee Yaad;
Dard Ban Kar Chaa Rahi Hai Un Kee Yaad;

Ishq Se Ghabra Rahi Hai Un Kee Yaad;
Rukte-Rukte Aa Rahi Hai Un Kee Yaad;

Wo Hanse Wo Zer-e-Lab Kuch Keh Uthe;
Khwab Se Dikhla Rahi Hai Un Kee Yaad;

Main To Khudari Ka Qayal Hun Magar;
Kya Karun Phir Aa Rahi Hai Un Kee Yaad;

Ab Khyal-e-Tark-e-Rabt Zabt Hi Se Hai;
Khud B Khud Sharma Rahi Hai Un Kee Yaad!
~ Shakeel Badayuni

Share On Whatsapp

Dil Ne Ek Ek Dukh Saha Tanha;
Anjuman Anjuman Raha Tanha;

Dhalte Saayon Mein Tere Kooche Se;
Koi Guzara Hai Barha, Tanha;

Teri Aahat Kadam Kadam, Aur Main;
Us Maiyat Mein Bhi Raha Tanha;

Kuhna Yaadon Ke Barf-e-Jaaron Se;
Ek Aansu Baha, Baha Tanha;

Doobte Sahil Ke Mod Pe Dil;
Ek Khandhar Sa Raha Saha, Tanha;

Goonjta Reh Geya Khalaon Mein;
Waqt Ka Ek Kehkaha, Tanha!

Share On Whatsapp

Ishq Ko Taqleed Se Azaad Kar;
Dil Se Giraya Aankh Se Fariyad Kar;

Baaz Aa Ai Banda-e-Husn Mizaz;
Yun Na Apni Zindagi Barbaad Kar;

Ai Khayalon Ke Makeen Nazron Se Door;
Meri Veeraan Khalvatein Aabaad Kar;

Nazaz Mein Hichki Nahi Aayi Mujhe;
Bhoolne Wale Khuda-Raa Yaad Kar;

Husn Ko Duniya Kee Aankhon Se Na Dekh;
Apni Ek Tarz-e-Nazar Izaad Kar;

Ishrat-e-Duniya Hai Ek Khwab-e-Bahar;
Kabaa-e-Dil Dard Se Aabaad Kar;

Ab Kahan 'Ehsaan' Duniya Mein Wafa;
Tauba Kar Nadaan Khuda Ko Yaad Kar!

Share On Whatsapp

Ab Khushi Hai Na Koi Gham Rulane Wala;
Humne Apna Liya Har Rang Zamane Wala;

Har Be-Chehra Si Ummeed Hai Chehra Chehra;
Jis Taraf Dekhi Aane Ko Hai Aane Wala;

Usko Rukhsat To Kiya Tha Mujhe Maloom Na Tha;
Sara Ghar Le Geya Ghar Chhod Ke Jaane Wala;

Door Ke Chaand Ko Dhundo Na Kisi Aanchal Mein;
Ye Ujala Nahi Aangan Mein Samane Wala;

Ek Musafir Ke Safar Jaisi Hai Sabki Duniya;
Koi Jaldi Mein Koi Der Mein Jaane Wala!

Share On Whatsapp

Chaman Mein Subah Ye Kehti Thi Ho Kar Chashm-e-Tar Shabnam;
Bahaar-e-Baag To Yun Hi Rahi Lekin Kidhar Shabnam;

Arq Kee Boond Us Kee Zulf Se Rukhsaar Par Tapki;
Tazub Kee Hai Jaage Ye Padi Khurshid Par Shabnam;

Humein To Baag Tujh Bin Khana-e-Matam Nazar Aaya;
Idhar Gul Phadte The Jeb, Roti Thi Udhar Shabnam;

Kare Hai Kuch Na Kuch Taseer Sohbat Saaf Taabon Kee;
Hui Aatish Se Gul Ke Baithte Rashq-e-Sharar Shabnam;

Bhala Tuk Subah Hone Do Ise Bhi Dekh Levenge;
Kisi Aashiq Ke Rone Se Nahi Rakhti Khabar Shabnam;

Na Samjha 'Dard' Humne Bhed Ya Kee Shadi-o-Gham Ka;
Sehar Khandaan Hai Kyon Roti Hai Kis Ko Yaak Kar Shabnam!

Share On Whatsapp

Tum Aaye Ho, Na Shab-e-Intezar Guzri Hai,
Talash Mein Hai Sahar, Baar, Baar Guzri Hai;

Junoon Mein Jitni Bhi Guzri Bekar Guzri Hai,
Agarche Dil Pe Kharabi Hazaar Guzri Hai;

Woh Baat Sare Fasane Mein Jiska Zikr Na Tha,
Woh Baat Un Ko Bahut Nagavar Guzri Hai;

Na Gul Khile Hain, Na Un Se Mile Hain, Na Mai Pi Hai,
Ajeeb Rang Mein Ab Ke Bahaar, Guzri Hai;

Chaman Pe Gharat-e-Gulchin Se Jane Kya Guzri,
Qafas Se Aaj Saba Be-Qarar Guzri Hai!

Share On Whatsapp

Hindi Status

Punjabi Status

Punjabi Video status Punjabi Status Dharmik Video status Punjabi New Status Punjabi Status Images Gurpurab Status Punjabi Jokes Punjabi Attitude Status Punjabi Shayari Punjabi Gaint Status Punjabi Fonts Status Punjabi whatsapp Status Punjabi Songs Lyrics

Video status