Desi Gazal For FaceBook Whatsapp Status Share Site 2024

Gazels In Hindi| Best Gazels Lines and Shayari Reading And Share On whatsapp

Gazels Shayari
Hindi Gazels

Usi Se Aaye Hain Aashob Aasman Wale;
Jise Gubaar Samajhate The Karavan Wale;

Main Apni Dhun Mein Yahan Aandhiyan Uthata Hun;
Magar Kahan Wo Maze Khaak-e-Aashiyan Wale;

Mujhe Diya Na Kabhi Mere Dushmano Ka Pata;
Mujhe Hawa Se Ladhate Rahe Jahan Wale;

Mere Saraab-e-Tamanna Pe Rashk Tha Jin Ko;
Bane Hain Aaj Wahi Bahar-e-Be-Karaan Wale;

Main Nala Hun Mujhe Apne Labon Se Door Na Rakh;
Mujhi Se Zinda Hai Tu Mere Jism-o-Jaan Wale;

Ye Musht-e-Khaak 'Zafar' Mera Pairahan Hi Tu Hai;
Mujhe Zameen Se Darayein Na Kehakashan Wale!

Share On Whatsapp

Apni Pyari Aankhon Mein

Apni Pyari Aankhon Mein Chupa Lo Mujh Ko;
Mohabbat Tum Se Hai, Chura Lo Mujh Ko;

Dhup Ho Ya Sehra Tera Sath Chalenge Hum;
Yaqeen Na Ho To Aazma Lo Mujh Ko;

Tere Har Dukh Ko Seh Lenge Hans Ke Hum;
Apne Wazood Kee Chadar Bana Lo Mujh Ko;

Zindagi Bhi Tere Naam Kar Di Hai Humne;
Bas Chand Lamhe Seene Se Laga Lo Mujh Ko!

Share On Whatsapp

Tum Na Aaye Ek Din Ka Vadaa Kar

Tum Na Aaye Ek Din Ka Vadaa Kar Do Din Talak;
Ham Pade Tadpa Kiye Do-Do Pahar Do Din Talak;

Dard-e-Dil Apna Sunata Hun Kabhi Jo Ek Din;
Rehta Hai Us Naazneen Ko Dard-e-Sar Do Din Talak;

Dekhte Hain Khwab Mein Jis Din Kisoo Kee Chashm-e-Mast;
Rehte Hain Hum Do Jahaan Se Bekhabar Do Din Talak;

Gar Yaqeen Ho Ye Humein Aayega Tu Do Din Ke Baad;
To Jiyen Hum Aur Is Ummeed Par Do Din Talak;

Kya Sabab Kya Vaasta Kya Kaam Tha Batalaiye;
Ghar Se Jo Nikale Na Apne Tum "Zafar" Do Din Talak!

Share On Whatsapp

Aankh Se Aankh

Aankh Se Aankh Milata Hai Koi;
Dil Ko Khinche Liye Jata Hai Koi;

Va-e-Hairat Ke Bhari Mehfil Mein;
Mujh Ko Tanha Nazar Aata Hai Koi;

Chahiye Khud Pe Yakeen-e-Kaamil;
Haunsla Kis Ka Badhata Hai Koi;

Sab Karishmat-e-Tasavur Hai 'Shakeel';
Varna Aata Hai Na Jata Hai Koi!

Share On Whatsapp

Raat Apne Khwab Kee Keemat Ka Andaza Hua;
Ye Sitara Neend Kee Tehzeeb Se Paida Hua;

Zehan Kee Zarakhez Mitti Se Naye Chehre Uge;
Jo Meri Yaadon Mein Zinda Hai Saraseema Hua;

Meri Aankhon Mein Anokhe Zurm Kee Tazveez Thi;
Sirf Dekha Tha Use Us Ka Badan Maila Hua;

Wo Koi Khushbu Hai Meri Saans Mein Behti Hui;
Main Koi Aansu Hun Us Kee Rooh Mein Girta Hua;

Us Ke Milne Aur Bichad Jane Ka Manzar Ek Hai;
Kaun Itne Fansalon Mein Be-Hijaab Aisa Hua!

Share On Whatsapp

Jhonka Idhar Na Aaye Naseem-e-Bahaar Ka,
Naazuk Bahut Hai Phool Charaag-e-Mazaar Ka;

Phir Baithe-Baithe Vaad-e-Vasl Us Ne Kar Liya,
Phir Uth Khada Hua Vahi Rog Intezaar Ka;

Shaakhon Se Barg-e-Gul Nahi Jhadte Hain Baag Mein,
Zevar Utaar Raha Hai Uroos-e-Bahaar Ka;

Har Gul Se Laalazaar Mein Ye Puchta Hun Main,
Tu Hi Pata Bata De Dil-e-Daagdaar Ka;

Is Pyaar Se Fishaar Diya Gor-e-Tang Ne,
Yaad Aa Geya Maza Mujhe Aagosh-e-Yaar Ka;

Hilti Nahi Hawa Se Chaman Mein Ye Daaliyan,
Munh Choomte Hain Phool Uroos-e-Bahaar Ka;

Uthta Hai Naza Mein Vo Sarhane Se Ai 'Ameer',
Mitta Hai Aasra Dil-e-Ummeedvaar Ka!

Share On Whatsapp

Ishq Karo To Ye Bhi Socho Arz-e-Sawal Se Pehle;
Hijr Kee Poori Raat Aati Hai Subah-e-Visaal Se Pehle;

Dil Ka Kya Hai Dil Ne Kitne Manzar Dekhe Lekin;
Aankhein Pagal Ho Jati Hain Ek Khyaal Se Pehle;

Kis Ne Ret Udaai Shab Mein Aankhein Khol Ke Rakhi;
Koi Misaal To Hona Us Kee Misaal Se Pehle;

Kaar-e-Mohabbat Ek Safar Hai Is Mein Aa Jata Hai;
Ek Zavaal-Aasaar Sa Rasta Baab-e-Kamaal Se Pehle;

Ishq Mein Resham Jaise Vaadon Aur Khwabon Ka Rastaa;
Jitna Mumkin Ho Tay Kar Le Gard-e-Malal Se Pehle!

Share On Whatsapp

Woh Kuch Gehri Soch Mein Aise Doob Geya Hai;
Baithe Baithe Nadi Kinare Doob Geya Hai;

Aaj Kee Raat Na Jaane Kintni Lambi Hogi;
Aajka Suraj Shaam Se Pehle Doob Geya Hai;

Woh Jo Pyasa Lagta Tha Sailab-Zada Tha;
Paani Paani Kehte Kehte Doob Geya Hai;

Shor To Yun Utha Tha Jaise Ik Toofan Ho;
Sanaate Mein Jaane Kaise Doob Geya Hai;

Aakhiri Khawhish Poori Kar Ke Jeena Kaisa;
"Anees" Bhi Sahil Tak Aa Ke Doob Geya Hai!

Share On Whatsapp

Kat Gayi Jhagde Mein Sari Raat Vasl-e-Yaar Kee;
Shaam Ko Bosa Liya Tha, Subah Tak Taqarar Kee;

Zindagi Mumkin Nahi Ab Aashiq-e-Beemar Kee;
Chhid Gayi Hain Barchiyan Dil Mein Nigah-e-Yaar Kee;

Hum Jo Kehte The Na Jana Bazm Mein Agayaar Kee;
Dekh Lo Neechi Nigahein Ho Gayi Sarkaar Kee;

Zehar Deta Hai To De, Zaalim Magar Taskeen Ko;
Is Mein Kuch To Chashni Ho Sharab-e-Deedaar Kee;

Baad Marne Ke Mili Jannat Khudaa Ka Shukr Hai;
Mujhko Dafnaya Rafeeqon Ne Gali Mein Yaar Kee;

Haal-e-'Akbar' Dekh Kar Bole Buri Hai Dosti;
Aise Rusvayi, Aise Rind, Aise Khudayi Khwaar Kee!

Share On Whatsapp

Guzre Hue Taveel

Guzre Hue Taveel Zamane Ke Baad Bhi;
Dil Mein Raha Woh Chhod Ke Jaane Ke Baad Bhi;

Pehlu Mein Reh Ke Dil Ne Diya Hai Bahut Fareb;
Rakha Hai Us Ko Yaad Bhulaane Ke Baad Bhi;

Qurbat Ke Baad Or Bhi Qurbat Ki Talaash;
Dil Mutmain Nahin Hai Tere Aane Ke Baad Bhi;

Jo Tu Yahan Nahin Hai Magar Tu Yahin Pe Hai;
Tera Hi Zikar Hai Tere Jaane Ke Baad Bhi;

Lagta Hai Kuch Kaha Hi Nahi Hai Usey Faraz;
Dil Ka Tamaam Haal Sunane Ke Baad Bhi!

Share On Whatsapp

Ishq Ko Taqleed Se Aazad Kar;
Dil Se Giraya Aankh Se Fariyaad Kar;

Baaz Aa Ai Banda-e-Husn Majaz;
Yun Na Apni Zindagi Barbaad Kar;

Ai Khayalon Ke Makeen Nazron Se Door;
Meri Veeran Khalvatein Abaad Kar;

Naza Mein Hichki Nahi Aayi Mujhe;
Bhulne Wale Khudaa-Raa Yaad Kar;

Husn Ko Duniyaa Kee Aankhon Se Na Dekh;
Apni Ik Tarz-e-Nazar Izaad Kar;

Ishrat-e-Duniya Hai Ik Khwab-e-Bahar;
Kabaa-e-Dil Dard Se Abaad Kar;

Ab Kahan 'Ehsaan' Duniya Mein Wafa;
Tauba Kar Nadan Khuda Ko Yaad Kar!

Share On Whatsapp

Jee Uthe Hashar Mein

Jee Uthe Hashar Mein Phir Jee Se Guzarne Wale;
Yaan Bhi Paida Hue Phir Aap Pe Marne Wale;

Hai Udasi Shab-e-Matam Kee Suhani Kaisi;
Chaanv Mein Taaron Kee Nikale Hain Sanwarne Wale;

Hum To Samjhe The Ki Dushman Pe Uthaya Khanjar;
Tumne Jana Ki Humin Tum Pe Hain Marne Wale;

Sabr Kee Mere, Mujhe Daad Zara De Dena;
O Mere Hashar Ke Din Faisala Karne Wale;

Kya Maza Deti Hai Bijli Kee Chamak Mujhko 'Riyaz';
Mujhse Lipatate Hain, Mere Naam Se Darne Wale!

Share On Whatsapp

Band Aankh Se Sapne

Band Aankh Se Sapne Bunte Bunte Umar Guzar Gayi Apni;
Tootey Dil Ke Raizey Chunte Chunte Umar Guzar Gayi Apni;

Woh Hum Se Bichar Kar Kaise Jeeta Hoga;
Bass Yehi Sochte Sochte Umar Guzar Gayi Apni;

Us Ki Talaash Mein Nikle, Apna Pata Bhool Gaye;
Phir Khud Ko Khojte Khojte Umar Guzar Gayi Apni;

Shamaa Ban To Gaye Roshni Ki Khatir;
Magar Phir Jalte Jalte Umar Guzar Gayi Apni;

Uss Ne Manaa Ki Deewaar Torr Kar Pukaara To Sahi;
Lekin Rukte Rukte Umar Guzar Gayi Apni;

Ab Yeh Zindagi Ussi Ki Amaanat Hai Waqas;
Jiss Ki Raah Takte Takte Umar Guzar Gayi Apni!

Share On Whatsapp

Kis Ne Mujhko Sada Dee Bata Kaun Hai;
Ai Hawa Tere Ghar Mein Chhupa Kaun Hai;

Baarishon Mein Kisi Ped Ko Dekhna;
Shaal Odhe Hue Bheegta Kaun Hai;

Main Yahan Dhoop Mein Tap Raha Hun Magar;
Wo Paseene Mein Doobaa Hua Kaun Hai;

Aasmano Ko Humne Bataya Nahi;
Doobti Shaam Mein Doobta Kaun Hai;

Khushbun Mein Nahayi Hui Shaakh Par;
Phool-Sa Muskurata Hua Kaun Hai;

Dil Ko Patthar Hue Ik Zamana Hua;
Is Makaan Mein Magar Bolta Kaun Hai;

Tum Bhi Mazboor Ho Hum Bhi Mazboor Hain;
Bewafa Kaun Hai Bawafa Kaun Hai!

Share On Whatsapp

Zara Si Der Ko Aaye The Khwab Aankhon Mein;
Phir Us Ke Baad Musalsal Azab Aankhon Mein;

Wo Jis Ke Naam Kee Nisbat Se Roshan Tha Wujud;
Khatak Raha Hai Wahi Aftab Aankhon Mein;

Jinhe Mata-e-Dil-o-Jan Samajh Rahe The Hum;
Wo Aaine Bhi Hue Behijab Aankhon Mein;

Ajab Tarah Ka Hai Mausam Ki Khak Udti Hai;
Wo Din Bhi The Ki Khile The Gulab Aankhon Mein;

Meri Ghazal Teri Vahshaton Kee Khair Kee Hai;
Bahut Dino Se Bahut Iztarab Aankhon Mein;

Na Jane Kaisi Qayamat Ka Peshkhema Hai;
Ye Uljhane Teri Be-Intasab Aankhon Mein!

Share On Whatsapp

Sar-e-Sehra Musafir Ko Sitara Yaad Rehta Hai;
Main Chalta Hun Mujhe Chehra Tumhara Yaad Rahta Hai;
Tumhara Zarf Hai Tum Ko Mohabbat Bhool Jati Hai;
Humein To Jis Ne Hans Kar Bhi Pukara Yaad Rehta Hai;

Mohabbat Mein Jo Doobaa Ho Use Sahil Se Kya Lena;
Kise Is Bahaar Mein Ja Kar Kinara Yaad Rehta Hai;

Bahut Leharon Ko Pakda Doobane Wale Ke Haathon Ne;
Yahi Bas Ek Dariya Ka Nazara Yaad Rehta Hai;

Sadayein Ek Si Yaksaniyat Mein Doob Jati Hain;
Zara Sa Mukhtalif Jis Ne Pukara Yaad Rehta Hai;

Main Kis Tezi Se Zinda Hun Main Ye To Bhool Jata Hun;
Nahi Aanaa Hai Duniya Mein Dobaraa Yaad Rehta Hai!

Share On Whatsapp

Lab Pe Pabandi To Hai Ehsas Par Pehra To Hai;
Phir Bhi Ahl-e-Dil Ko Ahval-e-Bashar Kehna To Hai;

Khoon-e-Adaa Se Na Ho Khoon-e-Shahidaan Se Hi Ho;
Kuch Na Kuch Is Daur Mein Rang-e-Chaman Nikhra To Hai;

Apni Ghairat Bech Daalen Apna Maslak Chhod Den;
Rehnumaon Mein Bhi Kuch Logon Ka Ye Mansha To Hai;

Bhuj Rahe Hain Ek Ek Kar Ke Aqidon Ke Diye;
Is Andhere Ka Bhi Lekin Saamna Karna To Hai;

Juth Kyon Bole Farogh-E-Maslahat Ke Naam Par;
Zindagi Pyari Sahi Lekin Humein Marna To Hai!

Share On Whatsapp

Mujhse Milne Ke Wo

Mujhse Milne Ke Wo Karta Thaa Bahane Kitne,
Ab Guzarega Mere Saath Zamaane Kitne;

Main Gira Tha To Bahut Log Ruke The Lekin,
Sochta Hun Mujhe Aaye The Uthane Kitne;

Jis Tarah Maine Tujhe Apna Bana Rakha Hai,
Sochte Honge Yahi Baat Na Jaane Kitne;

Tum Naya Zakham Lagao Tumhein Is Se Kya Hai,
Bharne Wale Hain Abhi Zakham Purane Kitne!

Share On Whatsapp

Jahan Katre Ko Tarsaya Geya Hun;
Wahin Dooba Hua Paya Geya Hun;

Ba-Haal-e-Gham-Rahi Paya Geya Hun;
Haram Se Deir Mein Laya Geya Hun;

Balaa Kaafi Na Thi Ek Zindagi Kee;
Dobara Yaad Pharmaya Geya Hun;

Ba-Rang-e-Lala-e-Veerana Bekaar;
Khilaya Aur Murjhaya Geya Hun;

Agarche Abr-e-Gauhar-Baar Hun Main;
Magar Aankhon Se Barsaya Geya Hun;

'Hafeez' Ahal-e-Zubaan Kab Maante The;
Bade Zoron Se Manvaya Geya Hun!!

Share On Whatsapp

Jis Tarah Bhi Ho Saka Us Tarah Toda Mujhe;
Zindagi Ne Maut Ke Qabil Nahi Samjha Mujhe;

Zindagi Maankar Chalati Rahi Ghoda Mujhe;
Har Kadam Par Maarti Hai Ek Naya Koda Mujhe;

Zindagi Har Waqt Meri Peeth Par Baithi Rahi;
Apni Marzi Ke Mutabiq Har Taraf Moda Mujhe;

Is Tarah Apno Ke Ehsaan Hai Mujh Par Bahut;
Chot De Kar Dil Ko Sheeshe Ki Tarah Joda Mujhe;

He Zindagi Meri Tujhse Iltiza Itni Hai Bus;
Chodhkar Nafrat Ki Bhasha Pyar De Thoda Mujhe;

Warna Ek Din Jalti Hui Aag Se Bolegi Meri Laash Yoon;
Zindagi Ne Aag Ke Dariya Me Laa Chhoda Mujhe!

Share On Whatsapp

Ai Mohabbat Tere Anjaam Pe Rona Aaya;
Jaane Kyon Aaj Tere Naam Pe Rona Aaya;

Yun To Har Shaam Umeedon Mein Guzar Jati Hai;
Aaj Kuch Baat Hai Jo Shaam Pe Rona Aaya;

Kabhi Taqdeer Ka Maatam Kabhi Duniya Ka Gila;
Manzil-e-Ishq Mein Har Ghum Pe Rona Aaya;

Mujh Pe Hi Khatam Hua Silsila-e-Nauhagari;
Is Kadar Gardish-e-Ayyam Pe Rona Aaya;
Jab Hua Zikar Zamane Mein Mohabbat Ka "Shakeel";

Mujh Ko Apne Dil-e-Nakaam Pe Rona Aaya!

Share On Whatsapp

Wahi Aankhon Mein Aur Aankhon Se Poshidaa Bhi Rehta Hai;
Meri Yaadon Mein Ek Bhula Hua Chehra Bhi Rehta Hai;

Jab Us Kee Sard-Mehari Dekhta Hun Bujhne Lagta Hun;
Mujhe Apni Adakari Ka Andaza Bhi Rehta Hai;

Main Un Se Bhi Mila Karta Hun Jin Se Dil Nahi Milta;
Magar Khud Se Bichhad Jane Ka Andesha Bhi Rehta Hai;

Jo Mumkin Ho To Pur-Asraar Duniyaon Mein Dakhil Ho;
Ki Har Deewar Mein Ek Chor Darwaza Bhi Rehta Hai;

Bas Apni Be-Basi Kee Saatvi Manzil Mein Zinda Hun;
Yahan Par Aag Bhi Rehti Hai Aur Nauha Bhi Rehta Hai!

Share On Whatsapp

Haath Khaali Hain Tere Shehar Se Jaate Jaate;
Jaan Hoti To Meri Jaan Lutate Jaate;

Ab To Har Haath Ka Pathar Humnein Pahunchta Hai;
Umar Guzri Hai Tere Shehar Mein Aate Jaate;

Ab Ke Mayus Hua Yaaron Ko Rukhsat Karke;
Ja Rahe The To Koi Zakham Lagate Jaate;

Reengne Kee Bhi Izazat Nahi Hum Ko Warna;
Hum Jidhar Jaate Naye Phool Khilate Jaate;

Main To Jalte Hue Sehraon Ka Ek Pathar Tha;
Tum To Dariya The Meri Pyaas Bujhate Jaate;

Hum Se Pehle Bhi Musafir Kayi Guzre Honge;
Kam Se Kam Raah Ke Pathar To Hatate Jaate!

Share On Whatsapp

Koi Soorat Nikalti Kyon Nahi Hai;
Yahan Halat Badalti Kyon Nahi Hai;

Ye Bujhta Kyon Nahi Hai Unka Sooraj;
Hamari Shama Jalti Kyon Nahi Hai;

Agar Hum Jhel Hi Baithe Hain Isko;
To Phir Ye Raat Dhalti Kyon Nahi Hai;

Mohabbat Sar Ko Chadh Jati Hai, Aksar;
Mere Dil Mein Machalti Kyon Nahi Hai!

Share On Whatsapp

Rukne Ka Samay Guzar Geya Hai;
Jana Tera Ab Thehar Geya Hai;

Rukhsat Kee Ghadi Khadi Hai Sar Par;
Dil Koi Do-Neem Kar Geya Hai;

Maatam Kee Fazaa Hai Shehar-e-Dil Mein;
Mujh Mein Koi Shakhs Mar Geya Hai;

Bujhne Ko Hai Phir Se Chashm-e-Nargis;
Phir Khwaab-e-Sabaa Bikhar Geya Hai;

Bas Ek Nigaah Kee Thi Us Ne;

Share On Whatsapp

Wo Bulayein To Kya Tamasha Ho;
Hum Na Jaayein To Kya Tamasha Ho;

Ye Kinaron Se Khelne Wale;
Doob Jaayein To Kya Tamasha Ho;

Banda Parwar Jo Hum Pe Guzari Hai;
Hum Batayein To Kya Tamasha Ho;

Aaj Hum Bhi Teri Wafaon Par;
Muskurayein To Kya Tamasha Ho;

Teri Soorat Jo Itefaaq Se Hum;
Bhool Jaayein To Kya Tamasha Ho;

Waqt Kee Chand Satein 'Saghar';
Laut Aayein To Kya Tamasha Ho!

Share On Whatsapp

Kuch Aarazi Ujale Bachaye Hue Hain Log;
Mutthi Mein Juganuon Ko Chupaye Hue Hain Log;

Us Shakhs Ko To Qatal Hue Der Ho Gayi;
Ab Kis Liye Ye Bheed Lagaye Hue Hain Log;

Barason Purane Dard Na Athkheliyan Karen;
Ab To Naye Ghamon Ke Sataye Hue Hain Log;

Aankhein Ujad Chuki Hain Magar Rang Rang Ke;
Khwabon Kee Ab Bhi Fasal Lagaye Hue Hain Log;

Kya Reh Geya Hai Shehar Mein Khandaraat Ke Siva;
Kya Dekhne Ko Ab Yahan Aaye Hue Hain Log;

Kuch Din Se Be-Dimagi-e-'Azahar' Hai Rang Par;
Basti Mein Us Ko 'Meer' Banaye Hue Hain Log!

Share On Whatsapp

Na Ho Yaa Rabb Aisi Tabiyat Kisi Kee,
Ki Hans Hans Ke Dekhe Museebat Kisi Kee;

Jafaa Un Se Mujh Se Wafa Kaise Chhute,
Ye Sach Hai Nahi Chhutati Aadat Kisi Kee;

Achhoota Jo Gham Ho To Is Mein Bhi Khush Hun,
Nahi Mujh Ko Manzoor Shirkat Kisi Kee;

Haseeno Kee Dono Adayein Hain Dil-Bar,
Kisi Kee Haya To Shararat Kisi Kee;

Mujhe Gum-Shuda Dil Ka Gham Hai To Ye Hai,
Ke Is Mein Bhari Thi Mohabbat Kisi Kee;

Bahut Roye Hum Yaad Mein Apne Dil Kee,
Jahan Dekhi Nanhi Si Turbat Kisi Kee!

Share On Whatsapp

Yahi Nahi Koi Toofan Meri Talash Mein Hai;
Ki Mausam-e-Gham-e-Jaana Meri Talash Mein Hai;

Visal-Rutt Hai Magar Dil Ko Aisa Lagta Hai;
Sitara-e-Shab-e-Hijran Meri Talash Mein Hai;

Main Fainsle Kee Ghadi Se Guzar Chuki Hun Magar;
Kisi Ka Deeda-e-Hairan Meri Talash Mein Hai;

Ye Be-Yaqeen See Aasoodgi Batati Hai;
Ki Ek Qarya-e-Veeran Meri Talash Mein Hai;

Main Teergi Mein Mohabbat Kee Ek Kahani Hun;
Mui Charaag Saar Unvan Meri Talash Mein Hai;

Ye Kaisa Khwab Tha Dhdaka Sa Lag Geya Dil Ko;
Ki Ek Shakhs Pareshan Meri Talash Mein Hai!
Tere Sheher Teri Soch Se Nikal Jaungi;
Kisi Udaas Sham Mein Dhal Jaungi;

Tu Jo Mukar Geya Hai Har Baat Se Apni;
Dekh Lena Ek Din Main Bhi Badal Jaungi;

Mat Dikha Mujh Ko Apna Ye Masoom Chehra;
Jab Ki Tu Janta Hai Main Pighal Jaungi;

Chahe Laakh Tadpun Tere Intezar Mein;
Mat Lout Ke Aana Main Sambhal Jaungi;

Tera Hona Itna Zaroori To Nahi Hai;
Main To Yaadon Ke Khilauno Se Behel Jaungi!

Share On Whatsapp

Tum Door Ho To Pyaar Ka Mausam Na Aayega;
Ab Ke Baras Bahaar Ka Mausam Na Aayega;

Chumunga Kis Kee Zulf Ghataon Ko Dekh Kar;
Ik Jurm-e-Khush-Gawar Ka Mausam Na Aayega;

Chalake Sharab Barq Gire Ya Jalein Charag;
Zikr-e-Nigah-e-Yaar Ka Mausam Na Aayega;

Vaada-Khilafiyon Ko Taras Jayega Yakeen;
Raaton Ko Intezar Ka Mausam Na Aayega;

Tujh Se Bichhad Ke Zindagi Ho Jayegi Taveel;
Ehasas Ke Nikhar Ka Mausam Na Aayega!

Share On Whatsapp

Hindi Status

Punjabi Status

Punjabi Video status Punjabi Status Dharmik Video status Punjabi New Status Punjabi Status Images Gurpurab Status Punjabi Jokes Punjabi Attitude Status Punjabi Shayari Punjabi Gaint Status Punjabi Fonts Status Punjabi whatsapp Status Punjabi Songs Lyrics

Video status